Մայր Աթոռ Սուրբ Էջմիածնի Հրատարակչական բաժինը լույս է ընծայել «Հայաստանի նշանավոր վանքերը և եկեղեցիները, Մաս Ա» հատորը

 Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը լույս է ընծայել «Հայաստանի նշանավոր վանքերը և եկեղեցիները, Մաս Ա» հատորը։
Գիրքն ունի ճանաչողական և ուսուցողական նշանակություն, կարող է նպաստել երիտասարդների հայրենասիրական դաստիարակության և համակողմանի զարգացման գործին:

 Ընթերցողները գրքի օգնությամբ կարող են ՀՀ մարզերի, Արցախի ու Երևանի մասին, Հայաստանի շուրջ վեց տասնյակ նշանավոր վանքերի ու եկեղեցիների վերաբերյալ հանգամանալից տեղեկություններ ստանալ, ինչպես նաև այդ հուշարձանների հետ կապված ավանդություններ, ավանդազրույցներ կարդալ կամ լրացուցիչ հետաքրքրաշարժ տեղեկություններ ձեռքբերել, հարստացնել իրենց գիտելիքները:

 Գրքում Հայաստանի վանքերի ու եկեղեցիների ընդգրկումը կատարվել է ըստ նրանց ճանաչվածության և նշանավոր լինելու սկզբունքի, նաև՝ դեպի այդ հուշար ձանները տանողբարեկարգ ճանապարհների առկայությաան (անշուշտ այս շարքը շարունակելի է․ մյուս վանքերն ու եկեղեցիները կներկայացվեն հաջորդ հատորներում):

Գիրքն օգտակար կլինի ընթերցող լայն շրջանակների, հատկապես՝ ուսուցիչների, դպրոցականների, զբոսաշրջիկների և զբոսավարների համար:
Կազմողներ՝
Արման Մ. Մալոյան,
Մանան Կ. Մակարյան,
Օվսաննա Մ. Դուդումյան,
Խմբագիր՝
Կարեն Մաթևոսյան