Մայր Աթոռի տեղեկատվական համակարգի տնօրեն Տեր Վահրամ քահանա Մելիքյանը Armtimes.com-ի՝ «Հոգեւորականին կարգալույծ են արել Խորենացի փողոցում լինելու համար» հոդվածի վերաբերյալ պարզաբանում է տրամադրել:
«Ամիսներ շարունակ այդ երկու հոգեւորականները բնակվում են արտերկրում. Տեր Հայրիկ աբեղա Հովհաննիսյանը` Կանադայում, իսկ Տեր Հովհաննես աբեղա Սահակյանը` Գերմանիայում եւ ցույցի օրերին Հայաստանում չեն եղել»,- պարզաբանեց Տեր Վահրամը:
Հիշեցնենք, որ Տեր Հովհաննես աբեղա Սահակյանը Ամենայն Հայոց կաթողիկոս Գարեգին Բ-ի ծննդյան օրվա առիթով բաց նամակով էր հանդես եկել եւ յուրովի շնորհավորել էր կաթողիկոսին:
Աղբյուր՝ armtimes.com
