Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանի հավաքածուների համալրումը կրում է շարունակական բնույթ։ Տարբեր գիտակրթական և մշակութային կառույցների հետ համագործակցության արդյունքում Սբ. Էջմիածնի Մատենադարանին նվիրաբերվում են կրոնական, հայագիտական, պատմական, բանասիրական ուսումնասիրություններ և պարբերական հրատարակություններ։
Մ․ Մաշտոցի անվան Մատենադարանի, ՀՀ ԳԱԱ Մ․ Աբեղյանի անվան գրականության ինստիտուտի ու Հայաստանի ազգային գրադարանի նվիրատվության արդյունքում Մայր Աթոռի Մատենադարանը համալրվեց շուրջ 200 միավոր գրականությամբ։
Ամբողջացվեցին «Բանբեր Մատենադարանի», «Գրականագիտական հանդես» ամսագրերի, ինչպես նաև «Հոգևոր հայրենիք» ամսաթերթի բացակա համարները։
Սբ. Էջմիածնի Մատենադարանի տնօրենությունը խորին շնորհակալություն է հայտնում նվիրատու-գործընկերներին և պատրաստակամություն հայտնում շարունակել արդյունավետ համագործակցությունը:
Նվիրաբերված ամբողջ գրականությունը սպասում է իր ընթերցողին Մատենադարանի հյուրընկալ հարկի ներքո։
