Սեպտեմբերի 27-ին Հայ Առաքելական Սուրբ Եկեղեցին հիշատակում է Սուրբ Գևորգ Զորավարի տոնը։ Ծնունդով Կապադովկիացի Ս. Գևորգը մեծացել է քրիստոնյա ընտանիքում: Զինվորագրվել է հռոմեական բանակին և կարճ ժամանակում ստացել զորավարի աստիճան: Եղել է Դիոկղետիանոս կայսեր (284305 թթ.) մերձավորներից։
Քրիստոնյաների նկատմամբ հալածանքներ սկսելուց առաջ Դիոկղետիանոս կայսրը, իր մեծամեծների հավանությունը ստանալու համար, խորհրդակցության է հրավիրել նրանց: Բոլորը հավանություն են տալիս՝ բացի Գևորգ քաջամարտիկ զորավարից, որը խիստ խոսքերով պարսավում է կայսեր անմարդկային ծրագիրը։
Սրա համար է, որ Սուրբ Գևորգ զորավարը սրբապատկերներում պատկերվում է վիշապին նիզակահարելիս: Այս հորինվածքը կապվում է քրիստոնեական հավատի հետ, որտեղ վիշապը խորհրդանշում է Դիոկղետիանոս կայսրին:
Բացահայտելով իր քրիստոնյա լինելը՝ Սուրբ Գևորգը բանտարկվում է և ենթարկվում է չարչարանքների և ի վերջո համաձայնում գնալ մեհյան, որտեղ խաչակնքվելով ջարդում է կուռքերը` դրանք հայտարարելով սուտ և սին:
Այս հանդուգն արարքի համար Դիոկղետիանոս կայսրը հրամայել է գլխատել Ս. Գևորգ զորավարին՝ հավանաբար 303 թ.:
Հիշատակի այս օրը սուրբի անունը կրող եկեղեցիներում մատուցվոմ է Սուրբ Պատարագ։
