Մի առիթով սատանիստներից մեկն ասել է. «Կտրիր մարդուն իր պատմությունից եւ նրան կկտրես իր ողջ անցյալից. նա քո ձեռքում կդառնա այն, ինչ դու ցանկանում ես»:
Իսկ ինչպե՞ս կտրել մարդուն իր պատմությունից, եթե ո՛չ` հեռացնելով հավատքից, բարոյազրկելով:
Այս առումով բանսարկուն ջանք չի խնայում մարդուն դեպի ինքնաոչնչացում ուղղորդելու հարցում: Իրենց առաջադեմ կարծող շատ պետություններ սկսեցին մեկը մյուսի հետեւից օրինականացնել միասեռականների ամուսնությունը եւ սոդոմականների կողմից երեխաների որդեգրումը, որը բացահայտ մանկապղծություն է` այսպիսով առավել ընկմվելով սոդոմական կործանիչ մեղքի մեջ: Ժամանակին ոմանք խորհուրդ էին տալիս` միասեռականներին արգելափակել հոսանքավորված ցանկապատով պատված մի տարածքում. նրանք չեն ապականի մարդկությանը եւ դանդաղ կոչնչանան, որովհետեւ չեն բազմանա: Այսօր ոմանք, որոշակի փոփոխություններով, հետեւում են այդ խորհրդին, ուղղակի արգելավայրը աշխարհն է, իսկ սոդոմականությամբ ախտահարված մարդկությունը գահավիժում է դեպի ստույգ կորուստ ու կործանում: Այդպես նրանք շատ արագ կհասնեն փափագելի ոսկե մակարդակին: Նրանք հրապարակավ բացահայտելով իրենց սատանայասեր ընթացքը` այն փորձում են նաեւ փաթաթել ավանդապահ ազգերի վզին` տարբեր աղանդավորական կազմակերպությունների, հասարակական կազմակերպությունների եւ նմանատիպ այլ ազգադավ կազմակերպությունների միջոցով` օգտագործելով նաեւ մամուլն ու հեռուստատեսությունը: Ինչպես կաթոլիկ եկեղեցուց ծնված բողոքական «եկեղեցին» որդեգրվեց սատանայի կողմից, այնպես էլ սոդոմականները ցանկանում են որդեգրել տարասեռ զույգերի կողմից մերժված երեխաներին: Հետեւաբար, ստեղծված իրավիճակում բոլորն իրենց մեղքի բաժինն ունեն: Այդ ամենի կազմակերպիչները շտապում են մոտեցնել նեռի գալուստը, բայց չեն գիտակցում, որ շատ արագ կգա ու կհասնի Տիրոջ Օրը` սարսափելի նրանց, եւ փափագելի Քրիստոսին սպասող արդարների համար, Օր, որ սահմանաբաժան է ժամանակավորի եւ հավիտենության միջեւ: Օձավարս Գորգոն մեդուզան` իր թունածավալ վարսերը տարածել է ամբողջ աշխարհում, Պանդորան բացել է կեղծիքի կործանարար սնդուկը…իր էությամբ խորապես նեոհեթանոսական եվրոպան` քրիստոնեանման դիմակի տակ ծպտված, անհաջող կերպով փորձում է բարեհամբույր ու անբռնազբոսիկ ժպիտ գծագրել, բայց ստացվում է այլանդակ մի դիմածռություն դիմախաղից զուրկ դիմակի տակ: Սատանան, ի դեմ քրիստոնեության, տեսավ ինքն իրեն քողարկելու լավագույն տարբերակը` բաժակի ու պնակի դուրսը մաքրելով ու գրավիչ դարձնելով, որպեսզի խմողները չգիտակցեն պարունակության թունավոր ու մահացու լինելը: Պետք է նախանձախնդիր լինել սեփական ինքնության, ազգային ինքնագիտակցության, նկարագրի պահպանման հարցում, բայց պետք է նաեւ հստակեցնել սեփական գիտակցության մեջ, թե ի՞նչ ասել է հայի համար ինքնություն եւ ազգային ինքնագիտակցություն: Այսօր շատ հայեր փորձում են ազգը միավորել «նախնյաց հավատի շուրջ», եւ ես չեմ կասկածում նրանց ազգասիրության անկեղծությանը եւ մղումների ազնվությանը, բայց դուք մոլորված եք, եղբայրներ, քանզի արժի՞ սեփական ազգը մատնել անբարո դիվապաշտության, վերականգնել մի կրոն, արժի՞ իբրեւ աստված պաշտել նրանց, ովքեր ժամանակին իրենք են պաշտել Ճշմարիտ Աստծուն, իսկ մահվանից հետո, ժամանակի ընթացքում, ի հետեւանս սատանայի սադրիչ մեքենայությունների` թյուրիմացաբար աստվածացվել:
Մեր ինքնությունը կերտել են նրանք, ովքեր մեր սեփականությունը դարձրեցին Երկնքի անմահ ու հավիտենական արքայությունը` վերահաստատելով Հայոց մեջ Ճշմարիտ աստվածպաշտությունը: Սխալ են ու պիտի ձախողվեն եւ մեր ազգին Քրիստոսից զրկողները, եւ հայի հոգուց Քրիստոսի սերն ու նվիրումը հափշտակել փորձողները:
Աղբյուր՝ «Սյունյաց կանթեղ» N42
Հեղինակ՝ Լիլիթ Հովհաննիսյան
