Մոսկվայի եւ Համայն Ռուսիո պատրիարք Կիրիլը հունվարի 7-ին Սուրբ Ծննդյան հարցազրույց է տվել Դմիտրի Կիսիլյովին, որը հեռարձակվել է «Ռոսսիյա 1» հեռուստաընկերության եթերում: Հարցազրույցի ընթացքում նա, խոսելով Մերձավոր Արեւելքում ստեղծված իրավիճակի մասին, բերել է Օսմանյան կայսրության օրինակը, մասնավորապես՝ ասել է.
Այս հայտարարության կապակցությամբ պատրիարք Կիրիլի մամուլի քարտուղար Ալեքսանդր քահանա Վոլկովը պարզաբանում է տարածել. ««Ռոսիա» հեռուստաընկերությանը տված իր հարցազրույցի մեջ Նորին Սրբություն Կիրիլ պատրիարքը խոսեց վերջին տարիներին Սիրիայի ու Իրաքի քրիստոնյաների սարսափելի և աննախադեպ վիճակի մասին: Այդ համատեսքում Նորին Սրբությունն օրինակ է բերել Օսմանյան կայսրության պատմությունը, որտեղ եղել են այնպիսի ժամանակաշրջաններ, երբ ներդրված կարգերը ապահովել են համեմատական կայունություն ու անվտանգություն կրոնական փոքրամասնությունների համար: Այդ կարգի բացակայությունը, ինչպես Օսմանյան կայսրությունում 100 տարի առաջ, այնպես էլ ժամանակակից Իրաքում, Սիրիայում, Լիբիայում, հանգեցնում է իրադարձությունների ողբերգական զարգացմանը: Հենց դրա պատճառով էլ մենք ժամանակակից իրադարձություններն անվանում ենք ցեղասպնություն: Մեր եկեղեցու դիրքորոշումը հայերի ցեղասպանության հարցում բազմիցս արտահայտվել է բազմաթիվ պաշտոնական հայտարարություններում և Պատրիարքի ուղերձներում: Մեր դիրքորոշման վառ վկայությունն է Ռուս Ուղղափառ եկեղեցու բարձրագույն մակարդակով մասնակցությունը Հայ Առաքելական Եկեղեցու կարևոր իրադարձություններին.Նորին Սրբության մասնակցությունը Մոսկվայի հայկական եկեղեցու օծմանը, Ռուս Եկեղեցու պատվիրակության անցյալ տարվա այցելությունը Երևան՝ հիշատակի միջոցառումներին մասնակցելու համար, որոնք նվիրված էին Հայոց Ցեղասպանության 100-ամյակին: Ռուս Եկեղեցու դիրքորոշումը մնում է անփոփոխ՝ մենք միշտ բացեիբաց և հրապարակայնորեն պաշտպանել ենք և շարունակելու ենք պաշտպանել այս դիրքորոշումը միջազգային, միջքրիստոնեական ու միջկրոնական հարթակներում»:
Ավելին կարող եք կարդալ այս հասցեով՝ https://www.facebook.com/infoservicesofmother
