ԷՄՄԱՆՈՒԵԼ

Առաջին անգամ, Եսայի մարգարեի կողմից, այս անունով կոչվեց գալիք Մեսիան՝ Հիսուս Քրիստոս. «Ահա կույսը պիտի հղիանա ու որդի ծնի, եւ նրա անունը պիտի լինի Էմմանուել» [Ես. 7.14], որ նշանակում է «Աստված մեզ հետ»:
Երբ ս. Մարիամ Աստվածածնի նշանածը՝ Հովսեփը, տրտմության ու տարակուսանքի մեջ էր ս. Մարիամի հղիության պատճառով, Աստծո հրեշտակն այցելեց նրան եւ հիշեցրեց Եսայու այս մարգարեությունը՝ բացահայտելով դարերով պահված աստվածային խորհուրդը, որով Աստված միացավ մեզ հետ, որով եւ Քրիստոսի Եկեղեցին շարունակ ցնծում է՝ բացականչելով. «Աստված մեզ հետ»:

Աղբյուր՝ «Սրբազան ժառանգություն» Հայ քրիստոնեական մշակույթի համառոտ հանրագիտարան: