«Ուշքի եկեք, ժողովուրդ Սա ապստամբություն է ոչ թե մարդու դեմ, այլ Աստծո դեմ: Մի՛ պառակտեք ու մի՛ թուլացրեք եկեղեցին: Ջուր մի՛ լցրեք սատանայի ջրաղացին: Փորձում եք աշխարհը մտցնել եկեղեցի՞». «Լույս» տեղեկատվական վերլուծական կենտրոնի նախագահ, պատմական գիտությունների թեկնածու, քաղաքագետ ԿԱՐԻՆԵ ԵՍԱՅԱՆԸ մտահոգված է Հայոց Առաքելական Սուրբ Եկեղեցու ու Վեհափառի դեմ մի խումբ մարդկանց կողմից սկսած բողոքի ցույցերից:
Հղում անելով աստվածաշնչյան խոսքերին` պատմաբանը հարց է ուղղում բողոքավորաներին. «Աստծո փոխարեն ստանձնել եք դատավորի դե՞ր», ապա զգուշացնում է՝ ետ դարձեք չարի մոլորությունից, որ չարժանանաք Կորխի, Դաթանի, Աբիրոնի ու նրանց 250 կամակիցների ճակատագրին, չդառնաք չարի ձեռքի գործիք:
«Սուրբ Գրքում բազմիցս այդ մասի գրված է: Օրինակ, Դավիթ մարգարեն գիտեր, որ Տիրոջ կողմից անիծյալ է իր սեփական բազուկին ապավինողը, և օրհնյալ է Տիրոջն ապավինողը (Երեմիա 17:5-7):
Անգամ արդեն լինելով Տիրոջ կամքով Սամուել մարգարեի կողմից օծյալ՝ նա չապստամբեց Սավուղի դեմ (որից Տիրոջ Հոգին վաղուց հեռացել էր, և որը ապրում էր մեղքերի մեջ), այլ շարունակում էր աղոթել նրա համար, քանզի վստահում ու ապավինում էր Տիրոջը. «Տիրոջ օծյալի վրա ո՞վ կարող է ձեռք մեկնել և անպատիժ մնալ…Տերը կենդանի է որ Տերը նրան կզարկի, կամ նրա օրը կգա կմեռնի, կամ թե պատերազմի մեջ կմտնի և կմեռնի: Տերը չանի, որ ես ձեռքս մեկնեմ Տիրոջ օծյալի դեմ» (1 Թագ. 26:9-11):
«Տգիտությունից կորչում է իմ ժողովուրդը»,-ասում է Տերը, նաև գրված է, որ չիմացությունը չի ազատում պատասխանատվությունից ու դատաստանից:
Ե՛տ դարձեք չար ճանապարհից ու Աստծո դեմ ապստամբած սատանային կերպարանակից մի՛ եղեք՝Աստծո անեծքին չարժանանալու համար»:
Քաղաքագետը զգոնության ու սթափության կոչ է անում հայ ժողովրդին.
«Սիրելի քույրեր ու եղբայրներ, արթուն ու զարթուն լինենք, որպեսզի չմոլորվենք»:
Աղբյուր՝ haydzayn.am
