Վարդան Այգեկցին՝ հպարտների և ոխակալների մասին
Մեր օրերում ցավալիորեն շատացել է հպարտությունը և ոխակալությունը: Կարծես, այսօրվա համար է Սուրբ Վարդան Այգեկցին ասել. «Այսուհետ փախե՛ք հպարտությունից և ոխակալությունից, որովհետև սրանք են առաջին չարիքները, որոնց պատճառով ընկավ սատանան և կորստյան մատնեց մարդուն։ Յուրաքանչյուր հպարտ ու ոխակալ մարդ սատանայի անմիջապես բնակարանն է և նրա եղբայրն ու ընկերը: Հպարտն օտարացավ Աստծուց և իջավ անդունդը` սադայելի մոտ, ինչպես որ Քրիստոսն ասաց, թե` «բարձրամիտը կխոնարհվի» (հմմտ. Մատթ. 23:12)։
Երանի՜ խոնարհներին և անոխակալներին, որովհետև անվանակից են Աստծուն, ինչպես ողորմածները: Հազար բերան վա՜յ հպարտներին և անողորմ ոխակալներին, որովհետև գործակից ու անվանակից են սատանային և նրա հետ էլ պիտի տանջվեն։ Հպարտն ի ցույց մարդկանց է գործում` անօգուտ գովասանքի արժանանալու համար»:
