Մի իմաստուն մարդ, ելույթ ունենալով, ներկաների համար մի անեկդոտ պատմեց: Ներկաները բարձրաձայն ծիծաղեցին։
Մի քանի րոպե անց իմաստունը նորից պատմեց նույն անեկդոտը այս անգամ ծիծաղեցին մի քանիսը։
Իմաստունը երրորդ անգամ նույն անեկդոտը պատմեց, բայց այս անգամ ոչ ոք չծիծաղեց։
Իմաստուն ծերունին ժպտաց և ասաց. «Դուք նույն կատակի համար չկարողացաք անընդհատ ծիծաղել… Ուրեմն ինչո՞ւ եք ձեզ թույլ տալիս անընդհատ լաց լինել միևնույն բանի համար»:
Աղբյուր՝ ter-hambardzum.net
