Այն, ինչ տեղի է ունեցել Սանահինի վանական համալիրի տարածքում, դատապարտելի է և անթույլատրելի: Ցավոք, նման երևույթների ականատես ենք տարբեր վայրերում, երբ պատմամշակութային հուշարձանների և սրբավայրերի տարածքների և պահպանության գոտիների նկատմամբ ոտնձգության տարբեր տեսակի դրսևորումներ են արձանագրվում: Խնդիրը պահանջում է հստակ համակարգված լուծում` զերծ պահելու մեր պատմական կոթողները նման երևույթներից և կամայական տեղական ինքնագործունեությունից: Գիտակցության խնդիր է: Այդ սրբազան հուշակոթողները և սրբությունները ամենքինս են, պատասխանատվությունն էլ դրանց նկատմամբ ամենքինը պետք է լինի: Պետք է մեր ջանքերը մեկտեղենք` կրթելու մեր ժողովրդին` նման խոտելի երևույթները կանխելու և բացառելու համար: Ինչ վերաբերում է այս դեպքին, ապա խնդիրը թեմի առաջնորդի կողմից հանձնվել է պատկան պատասխանատու կառույցների ուշադրության և տնօրինման:
