Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի բարձր տնօրինությամբ կատարվել են եկեղեցականների նոր նշանակումներ:
Մայր Աթոռ Ս. Էջմիածնի միաբան Հոգեշնորհ Տ. Դերենիկ աբեղա Սահակյանն ազատվել է Գևորգյան հոգևոր ճեմարանում ստանձնած պարտականություններից և կմեկնի Ֆրանսիա` ուսումնառության Փարիզի Կաթոլիկ համալսարանում:
Արժանապատիվ Տ. Զարեհ քահանա Աշուրյանը, ազատվելով Շիրակի թեմում ստանձնած պարտականություններից, հոգևոր ծառայության է կոչվել Արարատյան Հայրապետական թեմում:
