Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը Գևորգյան հոգևոր ճեմարանի «Սերմնացան» մատենաշարի շրջանակներում լույս է ընծայել Տ. Զգոն ծայրագույն վարդապետ Տեր-Հակոբյանի «Սեր և ամուսնություն» աշխատությունը:
Երկը արևմտահայերենից արևելահայերենի է փոխադրել Գևորգյան հոգևոր ճեմարանի Գ լսարանի սան Գևորգ դպիր Կարապետյանը:
Գրքույկի նպատակն է ամուսնության պատրաստվող մարդկանց անհրաժեշտ գիտելիքներ տալ Սուրբ Պսակի խորհրդի և դրա կարևորության մասին: Այն բազմաթիվ պատասխաններ է տալիս ընտանիքում առաջացող խնդիրների վերաբերյալ, ուղիներ մատնանշում ընտանեկան կյանքի առավել ամրապնդման համար:
Գիրքը հրատարակվել է տիար Արթուր Կարապետյանի մեկենասությամբ:
