Մեծ Բրիտանիայի և Իռլանդիայի Հայոց Թեմը տեղեկացնում է, որ կրոնական առաջնորդները նամակով դիմել են Մեծ Բրիտանիայի վարչապետ Ռիշի Սունակին՝ կոչ անելով վճռական քայլեր ձեռնարկել սովը որպես պատերազմի զենք օգտագործելու դեմ։
Իրենց նամակում Մեծ Բրիտանիայի Հայ Առաքելական,Անգլիկան, Կաթոլիկ և Ուղղափառ եկեղեցիների առաջնորդները նշում են, որ տասնյակ հազարավոր հայեր Լեռնային Ղարաբաղում ադրբեջանական շրջափակման հետևանքով սովի են մատնվել:
Կրոնական առաջնորդները՝ Քենթերբերիի նախկին արքեպիսկոպոս լորդ Ուիլյամսը և Մեծ Բրիտանիայի ու Իռլանդիայի Հայոց Եկեղեցու առաջնորդ Գերաշնորհ Տեր Հովակիմ եպիսկոպոս Մանուկյանը, կոչ են արել Միացյալ Թագավորության վարչապետին վճռական քայլեր ձեռնարկել Լեռնային Ղարաբաղում ցեղասպանությունը կանխելու համար։
Մասնավորապես, կրոնական ղեկավարները վկայակոչել են անցյալ տարվա դեկտեմբերի 12-ից ի վեր շրջափակման հետևանքով 120․000 հայերի, այդ թվում՝ 30․000 երեխաների ծանր և անմարդկային իրավիճակը.
Արգելվել է սննդի, դեղորայքի, գազի և այլ կենսական նշանակության պաշարների մուտքը Լեռնային Ղարաբաղ,
Տուժել են հիվանդանոցները և չեն կարող իրականացնել պլանավորված ընթացակարգեր,
հղիների վիժումները և մահացած ծնունդներն 30 տոկոսով աճել են,
թերսնումը համատարած է, արձանագրվել են սովից մահվան դեպքեր, ծանր հիվանդների տարհանումը կասեցվել է,
դիալիզի մեքենաները անգործության են մատնված արյան անհրաժեշտ պաշարի բացակայության պատճառով:
Առաջնորդները պնդում են, որ առաջիկա ամիսներին զանգվածային սով է սպասվում:
«Մեր մտավախությունը խորանում է նաև այս անհիմն և անտանելի վիճակից տուժած 30․000 երեխաների և հղիների կյանքի համար»,- նշվում է նամակում։
Միացյալ Թագավորության Հայոց Եկեղեցու առաջնորդ Գերաշնորհ Տ․ Հովակիմ եպիսկոպոս Մանուկյանն ընդգծել է. «Որպես քրիստոնյաներ և կրոնական առաջնորդներ մենք պարտավոր ենք բարձրաձայնել հումանիտար ճգնաժամի վատթարացման մասին։ Մեր Տերը մեզ պատվիրեց, որ ինչ որ անում եք իմ փոքր եղբայրներից և քույրերից մեկի համար, դուք Ինձ համար եք անում»։
Նամակը ստորագրել են՝
Գերշ. Տ. Հովակիմ եպիսկոպոս Մանուկյան
Մեծ Բրիտանիայի և Իռլանդիայի Հայոց Թեմի Առաջնորդ և Հայրապետական Պատվիրակ
Անգելոս Արքեպիսկոպոս
Ղպտի Ուղղափառ Եկեղեցու Լոնդոնի Արքեպիսկոպոս և Մեծ Բրիտանիայի Հայրապետական Նվիրակ
Գերապատիվ Քրիստոֆեր Չեսուն
Սաութուարքի Լորդ եպիսկոպոս, Անգլիկան Եկեղեցի
Գերապատիվ դոկտոր Քրիստոֆեր Քոքսուորթ
Քովենթրիի եպիսկոպոս, Անգլիկան եկեղեցի
Գերապատիվ Դեյվիդ Ուալքըր
Մանչեսթերի եպիսկոպոս, Անգլիկան
Նիկիտաս Արքեպիսկոպոս Թյատեիրայի և Մեծ Բրիտանիայի Արքեպիսկոպոս
Եվրոպական եկեղեցիների խորհրդի Ատենապետ
Արքեպիսկոպոս Քեվին Մքդոլանդ
Սաութուարքի վաստակյալ Արքեպիսպոկոս, Կաթոլիկ
Եպիսկոպոս Մայք Ռոյալ
Անգլիայում եկեղեցիները միասին, գլխավոր քարտուղար
Արքեպիսկոպոս Աբրահամ Մար Ստեփանոս
ՄԹ-Եվրոպայի և Աֆրիկայի՝ Ասորի Մալանկար եկեղեցու թեմի մետրոպոլիտ
Արքեպիսկոպոս Աթանաս Թովմա
ՄԹ Ասորի Ուղղափառ Արքեպիսկոպոս
Գերապատիվ և Գերապայծառ
Դոկտոր Ռոուան Ուլիամս
Օյսթերմաութի լորդ
