Մահացել է Տեր Տաճատ ավագ քահանա Դավիդյանը

Սրտի խորը ցավով տեղեկացնում ենք, որ այսօր ի Տեր ննջեց Արժանապատիվ ՏԵՐ ՏԱՃԱՏ ավագ քահանա ԴԱՎԻԴՅԱՆԸ։

Հիշեցնենք, որ Տեր հայրը գտնվում էր երեւանյան հիվանդանոցներից մեկի վերակենդանացման բաժանմունքում, ապա տեղափոխվեց Միացյալ նահանգներ եւ այնտեղ էլ կնքեց իր մահկանացուն: Հուղարկավորությունը տեղի կունենա ԱՄՆ-ում, իսկ մարմինը կամփոփվի լուսահոգի երեցկնոջ կողքին: Իսկ Երեւանում` Սուրբ Աննա եկեղեցում երկուշաբթի օրը` հուլիսի 16-ին, ժամը` 18:00-ին տեղի կունենա հոգեհանգստի արարողություն:

Ցավակցում ենք Դավիդյան ընտանիքին, հարազատներին, հավատացյալներին եւ բոլոր նրանց, ովքեր պատիվ են ունեցել շփվելու սիրելի Տեր հոր հետ եւ հիշում են կարեւոր պատգամը`

— Ո՞վ ենք մենք:

— Հայ Քրիստոնյա:

— Ո՞ւմ ենք հետեւում:

— Հիսուս Քրիստոսին:

— Ո՞րն է մեր եկեղեցին:

— Հայ Առաքելական Սուրբ եկեղեցին:

ՀՐԱՆՏ ՍԱՐԱՖՅԱՆ