Մահացել է Մարտակերտի եւ հարակից գյուղերի հոգեւոր հովիվ Արժանապատիվ ՏԵՐ ԲԱՐՍԵՂ քահանա ԱՆԴՐՅԱՆԸ:
Հիշեցնենք, որ Տ․ Բարսեղ քահանայի մոտ ուշացումով հայտնաբերվել էր հաստ աղիքի չարորակ քաղցկեղ։ Մոսկվայում մեկ տարի եւ երկու ամիս տեւած քիմիոթերապիաներից հետո՝ անսպասելի կերպով պարզվել էր, որ այն տվել է սակավ արդյունք եւ ստիպված էին անցնել իմունային թերապիայի…
Ողջ երիտասարդական տարիներին լինելով սահմանապահ շրջանի հոգեւոր հովիվ՝ Արժանապատիվ Տեր Հայրն Արցախյան առաջին (1988-1994) եւ երկրորդ (2016թ․ ապրիլ) պատերազմների ընթացքում որպես հոգեւորական ու քաջ հովիվ մշտապես եղել է իր ժողովրդի կողքին՝ իր խոսքին հավատարիմ անմնացորդ նվիրումով ու գործով։ Տեր Հայրը հինգ զավակների հայր էր։ Հեզ ու խոնարհ Տեր Հոր երկարամյա ծառայությունը հետպատերազմյան վիճակում գտնվող սահմանապահ բնակավայրում դժվարին է եղել, որը նա կրում էր մեծ գիտակցումով ու համբերատարությամբ, սիրով եւ նվիրումով։ Ուժերի ծաղկուն շրջանում գտնվող 53-ամյա Տեր Հայրն իր համայնքի եւ ընտանիքի հույսն էր:
