Հունվարի 13-ին ձեռամբ Ուկրաինայի հայոց թեմի առաջնորդ Գերաշնորհ Տ. Մարկոս եպս. Հովհաննիսյանի և աղոթակցությամբ Գեղարքունյաց թեմի առաջնորդական տեղապահ Հոգեշնորհ Տ. Պարթև վրդ. Բարսեղյանի և թեմի քահանայից դասի, կատարվեց Սարուխան համայնքի նորակառույց Սուրբ Աստվածածին եկեղեցու օծման կարգը: Սրբազան արարողության ավարտին ընթերցվեց Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի Սրբատառ կոնդակը, որով Տիար Արայիկ Ավետիսյանին շնորհվեց «Սուրբ Գրիգոր Լուսավորիչ» հայրապետական պատվո շքանշանով:
Նորակառույց եկեղեցու օծման կարգին ներկա էին նաև ՀՀ Գեղարքունիքի մարզպետ Տիար Կարեն Սարգսյանը, Գավառ համայնքի ղեկավար Տիար Գուրգեն Մարտիրոսյանը, մարզային և համայնքային ուժային կառույցների ներկայացուցիչներ և տարբեր համայնքներից ժամանած ուխտավոր հայորդիներ:
