Տեր Աստված իմ, Հզոր և Գթած, ամբողջ սրտով շնորհակալություն եմ հայտնում Քեզ, ամեն բանի համար, որ տվեցիր ինձ ծննդյանս օրից մինչև այսօր: Շնորհի’ր, որ միշտ խոնարհ լինեմ, բարի ու մաքուր՝ խորհուրդներով, խոսքով և գործով: Թող արդար և բարեմիտ լինեմ ընկերներիս հանդեպ, հնազանդ ծնողներիս, քաղցր ու սիրալիր բոլոր մարդկանց հանդեպ: Անեմ այն, ինչ որ պիտի ուզեմ, որ ուրիշները ինձ անեն: Հեռու պահիր ինձ ծուլությունից և անգործությունից: Փրկի’ր ինձ չար ընկերներից, չար օրինակներից և փորձություններից: Քու առատ սիրո մեջ ընդունի’ր և հիշի’ր ինձ ու ընտանիքիս: Քեզ փառք հավիտյանս: Ամեն:
Գրառում՝ Տ. Հովսեփ Ա.Քահանա Հակոբյան
