Ընդունելություն Կալկաթայի Հայոց մարդասիրական ճեմարանում

Կալկաթայի Հայոց մարդասիրական ճեմարանը հայտարարում է 6-10-ը տարեկան աշակերտների ընդունելություն 2021-2022 ուսումնական տարվա համար:

Ընդունելությունը կատարվում է հետևյալ քայլերով.

1. ընդունելության ձևի լրացում,

2. ընդունելության փաստաթղթերի ներկայացում,

3. փաստաթղթերի ստուգում,

4. գրավոր թեստ` հիմնական գիտելիքների և հոգեբանության վերաբերյալ,

5. հարցազրույց:

Ուսման, կեցության և ուղևորության ծախսերը հոգում է Հայոց Մարդասիրական ճեմարանը:

Ընդունելության համար պահանջվում են հետևյալ փաստաթղթերը.

— Անձնագիր (առնվազն 3 տարվա վավերականությամբ),

— Ծնողների/խնամակալի կողմից լիազորագիր Հայոց Մարդասիրական ճեմարանում սովորելու համար (նոտարի կողմից հաստատված և անգլերեն թարգմանությամբ),

— Մկրտության վկայական,

— Առաջադիմության թերթիկ և տեղեկանք նախորդ դպրոցից,

— Բժշկական տեղեկանք առողջության վերաբերյալ,

— Լուսանկար 4 հատ, (անձնագրային չափի), նաև էլեկտրոնային տարբերակով (սկավառակի վրա),

— Միջնորդագիր հոգևոր հովվի կողմից,

— Սոցիալական տեղեկատվության մասին զեկույց ծնողների կողմից:

Ինչպես ներկա, այնպես էլ նոր ընդունված աշակերտների ուսուցումը, համավարակի ստեղծած անկանխատեսելի խնդիրներով և վտանգներով պայմանավորված, նախատեսվում է շարունակել հեռավար եղանակով, մինչև աշակերտների Հնդկաստան մեկնելը: Հեռավար ուսուցումը կազմակերպվում է Zoom ծրագրով: Նոր ընդունված աշակերտների ծնողներն իրենց երեխաներին պետք է ապահովեն համապատասխան սարքավորումներով (սմարթ հեռախոս կամ համակարգիչ և համապատասխան արագությամբ ինտերնետ): Կրթությունը համապատասխանեցված է Հնդկաստանի Կրթության նախարարության, Դելլի կրթական համակարգին, որն անգլերեն լեզվով է:

 Դիմումները ներկայացնել Մայր Աթոռ Սուրբ Էջմիածնի Քրիստոնեական դաստիարակության կենտրոն 2021 թ. մայիսի 3-ից մինչև հունիսի 14-ը, ամեն օր, բացի շաբաթ և կիրակի օրերից, ժամը` 10:00-17:00, հասցե` ք. Էջմիածին, Մայր Աթոռ Սուրբ Էջմիածնի տարածք,

ՔՐԻՍՏՈՆԵԱԿԱՆ-ԴԱՍՏԻԱՐԱԿՈՒԹՅԱՆ ԿԵՆՏՐՈՆ:

Տեղեկությունների համար

 1. զանգահարել` (010) 517 283 հեռախոսահամարով,

 2. գրել՝ mayratorqdk@gmail.com էլհասցեին:

Կալկաթայի Հայոց մարդասիրական ճեմարանի մասին հավելյալ տեղեկությունների համար կարող եք այցելել http://www.armeniancollege.edu.in կայքէջը և facebook.com ֆեյսբուքյան էջը: