Աստված փարատում է ամեն խստաշունչ սիրտ, նոր դռներ է բացում բոլոր լքվածների համար և, ինչպես մեր Տերը՝ Հիսուս Քրիստոս է ասում, բոլոր բեռնվածներին հանգստություն է պատճառում և մորմոքում բոլոր ցավերը, որոնք պատում են նրանց, ովքեր քայլում են այս հավիտենական ճանապարհով: Այս օրերի մեր աղոթքներն առ Աստված իրենց բարի արդյունքները տվեցին, և մենք իբրև բարիքը սիրող և գնահատող մեկը, միշտ ուրախ ենք վայելելու այն բարին, որը Բարձյալն է մեզ պարգևում:
Տեսնել բռնություն, ատելություն, նշանակում է մեկ պահ տեսնել չարի գործերը և նրա ավերիչ գործողությունները, իսկ երբ տեսնում ենք բարի հանգուցալուծումները, որտեղ չկան արյունահեղություն, մարդկային տառապանք, կորուստ, ցավ, ատելություն, նշանակում է մենք վայելում ենք այն խաղաղությունը և բարիքը, որ Աստված պարգևում է մեզ:
Աղոթում եմ Աստծուն` տեսնելու մեր հայ ընտանիքը խաղաղված և աղաչում Բարձրյալին տեսնելու բոլոր անհանգստությունները հանգուցալուծված:
Աստված պահապան ամենքիս:
Տեր Համբարձում քահանա Դանիելյան
