Ի ՍԵՐ ԱՍՏԾՈ և Ի ՊԱՅԾԱՌՈւԹՅՈւՆ ՄԵՐ ԵԿԵՂԵՑՈւ։
Սիրելի’, եղբայրներ ի Քրիստոս և նոր Հայաստան, նոր Հայրապետ շարժման կազմակերպիչներ ու Քրիստոսասեր հայորդիներ, Հայ Եկեղեցում բարեփոխումներ անելու և նրա ազգընտիր գահակալի՝Հայոց Հայրապետի դեմ ուղղված շարժումը, եթե նույնիսկ, ըստ ձեզ արդար է և անկեղծ, այն արդեն իր բացասական ազդեցությունն ունեցավ։ Դուք առիթ տվեցիք գայթակղության և մոլորության շատերի՝ բաժանման սերմեր ցանելով հավատացյալների մեջ։ Առիթ տվեցիք ոմանց՝ քարկոծելու Հայ Եկեղեցին, ոմանց էլ վարկաբեկելու և հայհոյելու մեր ողջ նվիրապետական կարգը՝ կաթողիկոսից մինչև դպիր, իսկ ոմանք էլ բաժանվեցին խմբերի կաթողիկոսամետ և հակա կաթողիկոս։
Այս ամենը դուք արեցիք «ի սեր Աստծո և հանուն մեր եկեղեցու պայծառության»։
Մի’ կարծեք, որ դուք ավելի Աստվածասեր և Եկեղեցասեր եք կամ ավելի եք մտահոգված եկեղեցու խնդիրներով, քան բոլոր մյուս հոգևորականներն ու հավատացյալները։
Եկեղեցում առկա խնդիրներն այսպես չեն լուծվում, ինչպես դուք եք ուզում ։
Եկեղեցին հասարակական կազմակերպություն չէ և ոչ էլ քաղաքական կուսակցություն ու հարթակ։ Ապստամբությունն եկեղեցում տանելու է բաժանման, իսկ սա ոչ թե Աստծո, այլ չարի գործն է։
Արթուն եղե’ք և աղոթեցեք, որպեսզի մոլորության մեջ չընկնեք։
Տերը բոլորիս օգնական։ Ամեն։
