Ապրիլի 6-ը Հայ առաքելական եկեղեցում կդառնա խորհրդային բռնաճնշումներին զոհ գնացած հոգևորականների հիշատակի օր: 1938թ.-ի ապրիլի 6-ին բռնաճնշումների հետևանքով մահացել է hայոց կաթողիկոս Խորեն Մուրադբեկյանը: Կա վարկած, որ Խորեն կաթողիկոսին Խորհրդային Հայաստանի Պետանվտանգության գործակալները խեղդամահ են արել Վեհարանում: Խորհրդային շրջանում հոգևորականների հետապնդումների և բռնաճնշումների սոցիալ-մշակութային հետևանքների մասին զրուցում են Ազգային արխիվի տնօրեն Ամատունի Վիրաբյանը և Մայր Աթոռի արխիվի ու թագարանների տնօրեն Ասողիկ քահանա Կարապետյանը:
