Աղոթքի զորությունը

Հավատացյալներից եւ ոչ մեկը չի կասկածում, որ աղոթքը բուժիչ ազդեցություն ունի, սակայն այժմ առաջատար գիտնականները աշխարհի լավագույն կլինիկաներից ապացուցում են, որ հավատքն առ Աստված իսկապես մարդուն կարող է ավելի երջանիկ ու երկարակյաց դարձնել:
«Հետազոտությունները ցույց են տալիս, որ աղոթքը կարող է օգնել մարդկանց ավելի առողջ լինել, իսկ եթե նրանք հիվանդանում են, աղոթքը նպաստում շուտափույթ ապաքինմանը»,- նշում է Դյուկի համալսարանի գիտնական Հարոլդ Քենիգը: «1500 բժշկական հետազոտություն ցույց տվեց, որ այն մարդիկ, ովքեր հավատացյալ են եւ հաճախ են աղոթում, սովորաբար ավելի դիմացկուն ֆիզիկական եւ հոգեբանական առողջություն ունեն»
Բացի այդ՝ գիտնականի խոսքով, հետազոտությունները նաեւ ցույց են տվել, որ այն մարդիկ, ովքեր հաճախ են եկեղեցի այցելում, աթեիստներից երկար են ապրում մի ամբողջ 7 տարի: Իսկ վերջերս իրականացված հետազոտությունը, որը լույս է տեսել Southern Medical Journal ամսագրում, ցույց է տալիս, որ աղոթքը նկատելիորեն բարելավում է լսողական ու տեսողական խնդիրներ ունեցող մարդկանց առողջությունը:
Բժիշկ Քենինգի խոսքով՝ հավատացյալ մարդիկ ավելի հեշտ են դիմակայում սթրեսային վիճակներին, ավելի օպտիմիստ են, ավելի հազվադեպ են դեպրեսիա եւ տագնապայնություն ապրում եւ դիմում ինքնասպանության: Բացի այդ՝ նրանք տարբերվում են կայուն իմունիտետով, ավելի ցածր զարկերակային ճնշմամբ եւ ավելի ամուր սիրտ-անոթային համակարգով:
American Journal of Public Health-ի իրականացրած հետազոտությունը, որը 2000 տարեց մարդկանց է ներառել, ցույց է տալիս, որ աթեիստների շրջանում մահացության ցուցանիշը բարձր էր 36 տոկոսով՝ հավատացյալ մարդկանց համեմատ: Ընդ որում՝ եկեղեցի հաճախող հավատացյալ մարդիկ ավելի երկար են ապրում: Պարզվում է՝ աղոթքից հետո մարդու ուղեղը գտնվում է բոլորովին թարմ, երեխայական առույգությանը բնորոշ վիճակում. այս մասին բարձրաձայնել են Մոսկվայի գիտնականները:
Հետազոտության հեղինակ պրոֆեսոր Վալերի Սլեզինի հավաստմամբ՝ «Աղոթքի ընթացքում նեյտրոնների միջեւ գոյություն ունեցող պաթոլոգիկ կապն ընդհատվում է, մարդը լիցքաթափվում է, դադարում մտածել հիվանդության մասին եւ, որ ամենակարեւորն է՝ ազատվում է հիվանդության հանդեպ ունեցած վախից». հաղորդում է Life4GogPress-ը:
«Իսկ այն, որ աղոթքից հետո առաջացած առույգությունն անհրաժեշտ է յուրաքանչյուր անհատի, դա փաստ է»,- նշել է պրոֆեսորը՝ հավելելով՝ «Իզուր չէ Աստվածաշունչն ասում` «Նմանվեք մանուկներին եւ կժառանգեք Երկնքի արքայությունը»: