Հարիւր տարի առաջ՝ Մայիսեան հերոսական օրերուն Հայ Առաքելական մեր մայր եկեղեցին անգամ մը ևս իր ուսերուն վրայ վերցուց ծանր եւ պատասխանատու առաքելութիւն՝ պաշտպանելու եւ պահպանելու հայոց սրբութիւնները: Եւ այդ օրերու գլխաւոր հերոսներէն էր երջանկայիշատակ Գէորգ Ե Սուրենեանց Ամենայն Հայոց Կաթողիկոսը, որ չպատսպարուեցաւ ապահով, տաքուկ եւ անդարդ մի վայրի մը մէջ, այլ լծուեցաւ հայ ազատագրական մեծ շարժմանը՝ հաւատարիմ մնալով իրեն հասած սուրբ գաղափարներուն:
Մայիս 28-ին, ազգային եւ հոգևոր արժեքները ժառանգած ազգընտիր մեր հայրապետը՝ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը, ուղեկցութեամբ հոգևոր դասուն կ՚այցելէ Սարդարապատ յուշահամալիր, սակայն ոստիկանութիւը անհիմն կերպով կը փակէ անոր ճանապարհը: Խորապէս կը դատապարտենք տեղի ունեցածը:
Մեր սիրտը, հոգին եւ միտքը զարմանքով է պատուած. Սարդարապատի յուշահամալիրը ինչ որ մէկու տունը չէ´, ինչ որ մարդկանց անձնական տարածքը չէ´, այն համայն հայութեանն է եւ իւրաքանչիւր հայորդի կարող է այցելել այնտեղ, որ ժամուն որ կը ցանկայ: Հեռու վանեցէ´ք ձեր ձեռքերը Հայ Եկեղեցիէն եւ անոր հովուապետէն, դադարէ´ք պայքարիլ՝ վերացնելու մեր սրբութիւն սրբոց արժէքները, դադարէ´ք ապականել հայ ժողովուրդի ծոցէն ծնունդ առած «ՀԱՅ ԱԶԳԱՅԻՆ ԵԿԵՂԵՑԻՆ», որմէ ծնուածն էք դուք եւ որու թուլացման համար օրէցօր յամառ պայքար կը մղէք…
Վեց տարի առաջ չխաթարուեցաւ հայոց հայրապետի գործունէութիւնը, այսօր՝ առաւել ևս, երբ Հայաստան աշխարհը լի է բազմապիսի վտանգներով վեհափառ հայրապետը հաստատուն քայլերով կեանքի կը կոչէ հայրապետական եւ աստուածախնամ իր բարի երազները:
Շնորհակալութիւն հայրապետին, որ գրեթէ երեք տասնամեակ հայոց եկեղեցին եւ հայ ժողովուրդին կը շարունակէ առաջնորդել դէպի խաղաղ նաւահանգիստ: Երախտագիտութիւն անոր կատարած ամէն մի աշխատանքին համար:
Թո՛ղ վեհափառ հայրապետի գաւազանը միշտ ծաղկեալ, շնորհալի եւ ուժեղ մնայ, ինչպէս որ յիմա է:
!Հայոց Հայրապետը կը համբուրէ Գէորգ Ե. Սուրենեանց կաթողիկոսի գերեզմանը։
