Հարց. — Ի՞նչ է աղօրհնեքը և Մատաղը։
Պատասխան. – Ըստ Շնորհալու, այս կարգը մտցրել է Լուսավորիչ Հայրապետը, որը մեզ հիշեցնում է Առաքելական շրջանի սիրո ճաշերը (Թուղթ Ընդհանրական, 1871, էջ 261-264)։ Ամեն կերակուր Աստծու անեծքի համաձայն անմաքուր է (Ծննդոց գլ. 3)։ Ուստի ուտելուց առաջ պետք է աղոթք անել, որ մաքրուի, անեծքը վերանա։
Իսկ եթե ուզում ենք կերակրել ուրիշներին՝ աղքատներին, ապա օրհնել ենք տալիս աղը, որն այնուհետև կերցնելով անասունին՝ մաքրում է նրան, և մորթելով բաժանվում է աղքատներին։
Այս է Մատաղը, որը շատ հաճախ չիմացող մարդկանց կողմից նույնացվում է Մեղքի պատարագի հետ՝ Եկեղեցին քննադատելու համար, որն այդպէս չէ։ Որոշ տեղեր մատաղացու ոչխարի մսից հարիսա են եփում և հաջորդ օրը, Պատարագից հետո, օրհնելով բաժանում ներկաներին։
Մայր Մաշտոցում նկարագրված է մատաղի օրհնության կարգը, ուր ընթերցվում է Ղուկասի Ավետարանից (14: 12-14). «Երբ ճաշ կամ ընթրիք ես անում, մի կանչիր բարեկամներիդ, եղբայրներիդ, ազգականներիդ եւ ոչ էլ հարուստ ծանօթներիդ… այլ կանչիր աղքատներին ու խեղանդամներին, կոյրերին ու կաղերին եւ երանելի կլինես»։
ՈՍԿԵՓՈՐԻԿ «ԿՐՈՆԱԿԱՆ ԳԻՏԵԼԻՔՆԵՐԻ ՀԱՆՐԱԳԻՏԱՐԱՆ»
Աղբյուր՝ https://web.facebook.com/photo
