Յունիսի 11-ին Գէորգեան հոգեւոր ճեմարանը հիւրընկալեց «Հայկական Փի Ար ասոցիացիա» գիտատեղեկատուական հասարակական կազմակերպութեան «Հանրային կապերի /PR/ դպրոցի» շրջանաւարտներին: Մայր Աթոռ Սուրբ Էջմիածին կազմակերպուող աւանդական այցելութիւնն այս անգամ հաճելիօրէն տարբերուեց:
Նախքան Սուրբ Էջմիածնի գանձերին հաղորդ դառնալը, Գէորգեան հոգևոր ճեմարանի հանդիսութիւնների սրահում հիւրերի համար հանդիպում կազմակերպուեց Ճեմարանի առաջինից երրորդ լսարանների սաների հետ: Ձեւաւորուած մտերմիկ զրոյցի ընթացքում հիւրերը հարցերի միջոցով իրենց համար բացայայտեցին Ճեմարանն ու ճեմարանականներին, ծանօթացան ճեմարանական առօրեային եւ, իհարկէ, պատմեցին իրենց մասին: Ճեմարանականներն իրենց յատուկ ջերմութեամբ երգերով և դաշնամուրային կատարումներով զարդարեցին զրոյցը՝ գեղեցիկ յիշողութիւններ պարգևելով PR դպրոցի ողջ անձնակազմին:
Հանդիպմանը յաջորդեց պտոյտը Գէորգեան հոգևոր ճեմարանի ուսումնական մասնաշէնքում, որտեղ նրանց ներկայացուեց ճեմարանի պատմութիւնն ու ներկան: Ապա մի խումբ ճեմարանականներ PR դպրոցի սաներին ուղեկցեցին Մայր Տաճար, որտեղ հիւրերը հաղորդ դարձան Սուրբ Էջմիածնի սրբութիւններին ու գանձերին: Շրջայցն աւարտուեց Մայր Աթոռի Ռուբեն Սեւակի անուան թանգարանում:
Շնորհաւորում ենք PR դպրոցի շրջանաւարտներին՝ մաղթելով նրանց Աստծոյ օրհնութիւնն ու բեղուն մասնագիտական գործունէութիւն հանրային կապերի ոլորտում: Յանձին տիկին Աստղիկ Աւետիսեանի մեր շնորհակալութիւնն ենք յայտնում նաև «Հայկական Փի Ար ասոցիացիա» գիտատեղեկատուական հասարակական կազմակերպութեան ղեկավարութեանը մշտական համագործակցութեան համար՝ յուսալով, որ Գէորգեան հոգևոր ճեմարանի հետ կապերը աւելի ու աւելի պիտի սերտանան նորանոր ծրագրերով և միջոցառումներով:
Աղբյուր՝ https://web.facebook.com/gevorgianseminary/posts/1071943966217118
