«Դիալոգ» ոչ ավանդական կրոնական կազմակերպություններից տուժած անձանց աջակցող հասարակական կազմակերպությունը ս.թ. հոկտեմբերի 20-ից մինչև դեկտեմբերի 10-ը անցկացնում է «Աղանդից դուրս գալու գործընթացի կազմակերպման խորհրդատվություն» թեմայով սեմինար-քննարկումների շարք:
Սեմինարները տեղի կունենան Արարատյան Հայրապետական Թեմի առաջնորդարանի դահլիճում, երեքշաբի և չորեքշաբթի օրերին, ժամը 19.00-ից մինչև 21.00: Հասցեն` ք. Երևան, Իսրայելյան փողոց 21:
Թեմաների հակիրճ ցանկ` «Պետությունը և աղանդները», «Աղանդների ռազմավարությունը և նպատակները», «Աղանդից դուրս գալու առաձնահատկությունները» և այլն:
Սեմինարավարներ` Ալմաստ Մուրադյան` «Դիալոգ» ՀԿ նախագահ, Տեր Եսայի քահանա Արթենյան (Սուրբ Սարգիս առաջնորդանիստ եկեղեցի), Խաչիկ սարկավագ Վարդանյան, Գառնիկ Հարությունյան` աստվածաբան, պատմական գիտությունների թեկնածու, Աննա Օհանջանյան`աստվածաբան, պատմական գիտությունների թեկնածու, Շուշան Խաչատրյան` աստվածաբան, Արմինե Վահանյան` հոգեբան, Ինգա Մանուկյան` հոգեբան, Հրանտ Սարաֆյան` լրագրող, այլ հրավիրված մասնագետներ:
Սեմինարը բացառիկ է իր տեսակի մեջ և տարբերվում է տվյալ ոլորտում մինչ այժմ իրականացված բոլոր ծրագրերից:
Այսօր՝ հոկտեմբերի 20-ին, տեղի ունեցավ ծրագրի բացումը: Մասնակիցները ծանոթացան միմյանց հետ, ապա նրանց ներկայացվեցին սեմինարի նպատակները, թեմաները և բանախոսները:
Ցանկացողները դեռ կարող են միանալ մեզ մինչև ս.թ. հոկտեմբերի 26-ը` նամակ գրելով dialogarmenia@gmail.com հասցեին կամ միանալով հրավերին https://www.facebook.com/events/534034396744990/:
