Անսալով Քրիստոսի խոսքին, թե «ինչ որ արեցիք այս փոքրիկներից մեկին` Ինձ արեցիք…», Երևանի պետական ֆինանսատնտեսագիտական քոլեջի տնօինությունը ուսանողների և դասախոսական կազմի հետ միասին ձեռնամուխ եղավ Ստեփանավանի անմխիթար վագոն տնակներում մեծ ու փոքր, 7-8 անձով բնակվող անապահով 7 ընտանիքների համար պարենային և այլ նյութական օգնության հավաքագրման պրոցեսին։ Ուրախությամբ և երախտիքի զգացումով ստացանք Մայր Աթոռ Սուրբ Էջմիածնի Սոցիալական Ծառայության բաժնի` ի դեմս բաժնի տնօրեն Հոգեշնորհ Հայր Իսահակ վարդապետ Պողոսյանի կողմից տրամադրված չորս արկղ հումանիտար օգնությունը: Չնայած իրենց խիստ զբաղվածությանը,այդ արկղերը Էջմիածնից Ավանում գտնվող մեր քոլեջ հասցրեցին Մայր աթոռի Տեղեկատվական համակարգի տնօրեն Տեր Վահրամ քահանա Մելիքյանն Մարիամ երեցկնոջ հետ միասին: Բացի այդ արկղերից նրանք էլ իրենց հերթին իրենց անձնական մասնակցությունը ունեցան ակցիային՝ նվիրելով այդ ընտանիքներին հագուստներ, խաղալիքներ, պահածոներ, հիգենայի պարագաներ:
Մայր Աթոռ Սուրբ Էջմիածնի այս ինքնաբուխ արձագանքն և աջակցությունը ևս մի առիթ էր համոզվելու, որ մեր Մայր Եկեղեցին իր նեղյալ զավակի կողքին է,իսկ Մարդասիրական այս քայլը բոլոր ուսանողներիս համար քրիստոնյա կոչման վառ օրինակ էր ու ուսանելի… Երանելի է տալը, քան վերցնելը…Օգնել կարող ենք բոլորս…
Աստված օրհնի բոլորիս…
Աղբյուր՝ https://www.facebook.com/photo.php?fbid=61255911551
