ՄԻ ԱՄԱՉԻՐ ԱՆԵԼ ԱՅՆ, ԻՆՉ ՀԱՄԱՁԱՅՆ Է ԱՍՏԾՈ ԿԱՄՔԻՆ
Սուրբ Գիրքը հաստատում է, որ ամոթի երկու տեսակ է լինում՝ մեկը, որից ծնվում է մեղքը, իսկ մյուսը, որից փառք և շնորհ է ծնվում (Սիրաք, 4:23-25): Մեղք գործելուց ամաչելը իսկական և փրկարար ամոթ է, իսկ ամոթը, որից մեղք է ծնվում, ամոթալի է, որը արգելք է Աստծո պատվիրանների կատարմանը: Մի ամաչիր անել այն, ինչ համաձայն է Աստծո կամքին, և ճշմարիտ գործերը մի թաքցրու, մի վախեցիր հայտարարել Աստծո ուսմունքը կամ իմաստության խոսքը ու մի ամաչիր քո մեղքերը հոգևոր հորդ հայտնելուց:
ՍՈՒՐԲ ԱՆՏՈՆ ՄԵԾ
