Մենք այնքանով ենք մարդ, որքանով գործում ենք մարդկանց բարիքի համար։ Մարդկանց բարիք չկամեցող մարդը հեռո՛ւ է մարդ լինելուց։ Իրար նկատմամբ մեր ցուցաբերած փոխադարձ ներողամտությամբ ու սիրով՝ կմեծանանք։ Ո՛չ մեկը մեծ մարդ չի եղել առանց մարդկանց։ Աշխարհում ապրող բոլոր մարդիկ ունեն ընդհանուր գիծ որ նույն ինքն մարդկայնությունն է։ Այս ընդհանուր գիծն է, որ բոլոր մարդկանց իրար հետ է կապում եւ իրար հետ հարաբերության մեջ պահում։ Աստծո հետ լավ հարաբերություն ունենալը կախված է ուրիշների հետ մեր ունեցած լավ հարաբերություններից։ Իր նմանի հետ վատ հարաբերության մեջ եղողը չի կարող Աստծո հետ լավ հարաբերության մեջ լինել։
Աղբյուր՝ «Սյունյաց կանթեղ» ամսաթերթ N 60
