Սիրիահայության ծանր կացությունը շարունակում է մնալ Մայր Աթոռի եւ Ամենայն հայոց կաթողիկոսի ուշադրության կենտրոնում: Այս առնչությամբ Մայր Աթոռի Տեղեկատվական համակարգի տնօրեն Տ. Վահրամ քահանա Մելիքյանը տեղեկացրել է, որ հակամարտության առաջին իսկ օրերից Գարեգին Բ-ի կողմից կոչ է ուղղվել համայն հայությանը Հայ Եկեղեցու աշխարհասփյուռ թեմերի միջոցով զորակցել Սիրիայում տառապող մեր քույրերին ու եղբայրներին:
Տեր Վահրամը հավելել է նաեւ, որ պարբերաբար Մայր Աթոռը թեմերից ստացված գումարները փոխանցում է Դամասկոսի հայոց թեմին` համայնքի զորակցության համար: Նա նշել է, որ հերթական անգամ` օրեր առաջ թեմերից հավաքված 200 հազար ԱՄՆ դոլար գումար Մայր Աթոռն ուղարկել է սիրիահայության կարիքները հոգալու համար:
Աղբյուր՝ news.am
