Թուրքական Վան նահանգում գտնվող Աղթամար կղզու վերջերս վերանորոգված հին հայկական եկեղեցում տեղի կունենա մակրտության առաջին արարողությունը: Մկրտությունը տեղի կունենա սեպտեմբերի ութին, ամենամյա Սուրբ Պատարագի ժամանակ: Այդ մասին է գրում թուրքական «Hürriyet Daily News»-ը:
Թուրքիայից եւ արտասահմանից մեծ թվով հայեր պատրաստվում են գնալ Վանա լճի Աղթամար կղզում գտնվող 10-րդ դարում կառուցված Սուրբ Խաչ եկեղեցի, որպեսզի մասնակցեցն տարին մեկ անգամ անցկացվող արարողությանը: Թուրքական իշխանությունները 2005-2007թթ. ընթացքում վերագանգնել են եկեղեցին, հետո այն բացել են թանգարանի կարգավիճակով: 2010թ.-ին 95 տարի անց առաջին անգամ այնտեղ սուրբ պատարագ անցկացվեց:
Այս տարի սեպտեմբերի 8-ի պատարագի ժամանակ եւս պատմական եկեղեցում կանցկացվի մկրտության արարողության: Այդ մասին հաղորդել է Վանի նահանգի Մշակույթի եւ տուրիզմի վարչության ղեկավար Մուզաֆեր Ակգութը: Նրա խոսքով, շարունակվող խաղաղ գործընթացների շնորհիվ այս տարի իրենք ավելի մեծ քանակի մարդկանց հոսք են սպասում:
Աղբյուր՝ news.am
