Այսպես է կոչվում այն պարտեզը, որը գտնվում է Երուսաղեմի պարիսպներից դուրս՝ Կեդրոն ձորից դեպի արեւելք բարձրացող Ձիթենյաց լեռան լանջին: Առ այսօր այստեղ աճում են դարավոր ձիթենիները, որոնց ստվերում Քրիստոս հաճախ էր առանձնանում Իր աշակերտների հետ: Խորհրդավոր ընթրիքից հետո Հիսուսը նրանց հետ այստեղ եկավ աղոթելու, ուր շուտով հայտնվեց Հուդան քահանայապետի զինված ծառաների ուղեկցությամբ եւ համբույրով մատնեց իր Ուսուցչին: Գեթսեմանի այցելող ուխտավորները, հիշելով այս ամենը, համակվում են նվիրական զգացումներով: Նրանք, իբրեւ մասունք, այստեղից ձիթենու ճյուղեր են տանում:
Աղբյուր՝ «Սրբազան ժառանգություն» Հայ քրիստոնեական մշակույթի համառոտ հանրագիտարան:
