Դեռեւս Եսայի մարգարեն, կանխագուշակելով Քրիստոսի չարչարանքները, Նրան համեմատում է զոհաբերման տարվող գառան հետ՝ ցույց տալով Նրա անսահման խոնարհությունը եւ հեզությունը: Ս. Հովհաննես Մկրտիչը, տեսնելով Աստծո Որդուն, բացականչեց. «Ահա՛ Աստծո Գառը, որ վերցնում է աշխարհի մեղքը» [Հովհ. 1.29]: Քրիստոսին Աստծո Գառ կոչելը խորհրդանշում է Նրա զոհաբերությունը մարդկության մեղքերի համար: Այս խորհրդով էլ ս. Հովհաննես ավետարանչի նշանավոր տեսիլքում Աստծո Որդին բազմիցս ներկայացված է գառան կերպարանքով:
Աղբյուր՝ «Սրբազան ժառանգություն» Հայ քրիստոնեական մշակույթի համառոտ հանրագիտարան:
