ԱՐՑԱԽԻ ԹԵՄ – Խոր ցավով տեղեկացնում ենք, որ ի Տեր է հանգչել Արցախի թեմի սպասավոր, Գանձասարի վանքի հոգևոր հովիվ Արժանապատիվ Տ․ Գրիգոր քահանա Մարկոսյանը։
Այս կապակցությամբ Տեր Հոր ընտանիքին մայիսի 21-ին ցավակցական ուղերձ է հղել Լեռնային Ղարաբաղի Հանրապետության նախագահ Բակո Սահակյանը։
Ուղերձում ասված է.
«Խոր ցավով տեղեկացա Գանձասարի վանքի վանահայր Տեր Գրիգոր քահանա Մարկոսյանի մահվան մասին:
Տեր Գրիգորը վերաբացված Արցախի թեմի առաջին հոգեւորականներից էր, մարդ, ով անձնվիրաբար ծառայել է մեր ժողովրդին` իր գործունեությամբ մեծապես նպաստելով մեր երկրում հոգեւոր եւ ազգային արժեքների պահպանման ու զարգացման, քրիստոնեական հավատքի ամրապնդման սուրբ գործին: Նրա անունն ու հիշատակը միշտ վառ կմնան սերունդների հիշողության մեջ:
Արցախի Հանրապետության ժողովրդի, իշխանությունների եւ անձամբ իմ անունից ցավակցություն ու զորակցություն եմ հայտնում հանգուցյալի բոլոր հարազատներին ու մերձավորներին, մեր հավատավոր ժողովրդին՝ անդառնալի կորստի կապակցությամբ, եւ մաղթում արիություն ու ոգու կորով»:
Աղբյուր՝ armchurch.info
