«Զի եղիցին մի»` լինենք բոլորս միասին: Աստվածաշնչյան այս գաղափարախոսությամբ հարթաքանդակ է տեղադրվել Գյումրու Սուրբ Յոթվերք եկեղեցու պատին: Հեղինակ քանդակագործ Ալբերտ Վարդանյանը քանդակի վրա աշխատել է շուրջ մեկ տարի: Հարթաքանդակը նվիրված է գրող, հրապարակախոս, թարգմանիչ Սամվել Մկրտչյանի հիշատակին: Այսօր` փետրվարի 25-ին, նա կդառնար 57 տարեկան: Սամվել Մկրտչյանն առանձնահատուկ վերաբերմունք է ունեցել Յոթվերք եկեղեցու հանդեպ: Հարթաքանդակի բացման արարողությանը ներկա են գտնվել հրապարակախոսի այրին` Նաիրա Զոհրաբյանը, բազմաթիվ մտավորականներ: Շիրակի թեմի առաջնորդի խոսքով արվեստի գործը յուրահատուկ է իր ոճի ու գաղափարախոսության մեջ, համահունչ է եկեղեցուն, ըստ սրբազանի, արտառոց նորամուծություն չէ, բայց մեծ հետաքրքրություն է առաջացրել:
Աղբյուր՝ tsayg.am
