Ապրիլի 24-ին Ամենայն հայոց հայրապետը, ՀՀ նախագահ Սերժ Սարգսյանը, աշխարհահռչակ շանսոնյե Շառլ Ազնավուրը, հոլիվուդյան դերասան Ջորջ Քլունին, պետական ավագանու, Մայր Աթոռի միաբանների ուղեկցությամբ այսօր առավոտյան այցելեցին Հայոց ցեղասպանության նահատակների ոգեկոչման հուշահամալիր: 2015թ. Հայոց ցեղասպանության նահատակների սրբադասումից հետո հոգեհանգստյան կարգի փոխարեն կատարվում է սրբերի բարեխոսությաան կարգ: Բարեխոսության կարգն այսօր Ծիծեռնակաբերդում կատարեց Ամենայն հայոց Գարեգին Բ կաթողիկոսը:
