Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)

02 2 880x660 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)

Մարտի 2-ին Մայր Աթոռ Սուրբ Էջմիածնի «Վաչե և Թամար Մանուկյան» Մատենադարանում, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի բարձր նախագահությամբ և Կ. Պոլսի Հայոց Պատրիարք Ամենապատիվ Տ. Սահակ արքեպիսկոպոս Մաշալյանի մասնակցությամբ, տեղի ունեցավ «Առաջնեկը՝ նորովի» շնորհանդեսը՝ նվիրված Սուրբ Գրիգոր Նարեկացու «Մատյան ողբերգության» աղոթամատյանի աշխարհաբար (արևմտահայերեն, թարգմանությունը՝ Մ. Գոչունյան (Քասիմ)) առաջին ամբողջական թարգմանության վերահրատարակությանը։ 

Միջոցառումը սկսվեց Տերունական աղոթքով, որից հետո ներկաներին ողջունեց Մայր Աթոռի Մատենադարանի տնօրեն Արժանապատիվ Տ․ Արարատ քահանա Պողոսյանը։ Այնուհետև կատարված թարգմանության վերաբերյալ բանախոսությամբ հանդես եկավ Մայր Աթոռի Միջեկեղեցական հարաբերությունների բաժնի պատասխանատու Հոգեշնորհ Տ. Շահե ծայրագույն վարդապետ Անանյանը։
Շնորհանդեսի ընթացքում «Գեղարդ» երգչախմբի (գեղարվեստական ղեկավար` ՀՀ արվեստի վաստակավոր գործիչ, դոկտոր, պրոֆեսոր Մհեր Նավոյան) մենակատարներ Լուիզա Երեմյանն ու Անահիտ Պապայանը շարականներ կատարեցին, իսկ ՀՀ վաստակավոր արտիստ Դավիթ Հակոբյանը ներկաների համար ընթերցեց Ս․Գրիգոր Նարեկացու աղոթագրքից մի հատված։
Ցերեկույթին իր սրտի խոսք ասաց Կ. Պոլսի «Ժամանակ» օրաթերթի գլխավոր խմբագիր Արա Գոչունյանը։ Խոսելով գրքի գիտական և մշակութային արժեքի մասին՝ պրն. Գոչունյանը նաև իր երախտագիտությունն ու շնորհակալությունը հայտնեց Վեհափառ Հայրապետին և Մայր Աթոռ Սուրբ Էջմիածնի հրատարակչական բաժնին՝ գրքի վերահրատարակմանն աջակցելու և «Նարեկը» ժողովրդի բոլոր խավերին մատչելի դարձնելու գործում կարևորագույն դերակատարություն ունենալու համար:
Վերջում շնորհանդեսի մասնակիցներին իր օրհնությունն ու պատգամը փոխանցեց Կ. Պոլսի Հայոց Պատրիարք Ամենապատիվ Տ. Սահակ արքեպիսկոպոս Մաշալյանը:
«Երբ խոսում ենք «Նարեկ»-ի մասին, խոսում ենք աղոթքի մասին: Աղոթքը մարդու և աղոթքը ազգի զորությունն է: Եթե մեկ բառի մեջ ամփոփենք աղոթամատյանը, կասենք՝ ողորմություն՝ Աստծո ողորմությունը: Սուրբ Նարեկը մեզ սովորեցնում է, որ մենք այդքան էլ զորավոր չենք և մեր վաղվա օրվա համար Աստծո ողորմությունն է պետք: Աղոթամատյանը ծնվել է մարդուն ողորմություն խնդրել սովորեցնելու համար», — ասաց Սահակ Պատրիարքը՝ հորդորելով ամենքին աղոթել, քանի որ աղոթքը լույս է և միացնում է մարդուն Աստծո լույսի հետ:
«Ես հպարտ եմ, որ այսօր Պոլսի համայնքի ծոցից դուրս եկած արժեք է կրկին հրապարակ բերվում 100 տարի հետո՝ ի օգուտ ամբողջ հայության», — ընդգծեց նա՝ շնորհավորելով և շնորհակալություն հայտնելով «Ժամանակ» օրաթերթի խմբագրին, որ չթողեց իր ընտանեկան ժառանգությունը մնա գրադարանների դարակների վրա:
Կ.Պոլսի Հայոց Պատրիարքը նաև իր շնորհակալական խոսքն ուղղեց Ամենայն Հայոց Կաթողիկոսին գրքի վերահրատարակության և ժողովրդին հասանելի դարձնելու կապակցությամբ:02 5 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 3 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 4 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 6 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 7 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 8 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 9 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 10 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 11 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 1 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 12 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 2 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)02 13 - Մայր Աթոռ Սուրբ Էջմիածնում տեղի ունեցավ գրքի շնորհանդես (նկարներ)