Ս. Մինաս, Ս. Երմոգինես, Ս. Գրաբոս († ~313)

Նահատակվել ու գլխատվել են Մաքսիմիանոս կայսեր տարիներին Ալեքսանդրիայում։ Մինասն Աթենացի էր, Ալեքսանդրիա էր ուղարկվել Գալերիոս կայսեր կողմից` որպես կայսերական պատվիրակության անդամ։ Այնտեղ նա հայտարարում է, որ ինքն ու իր ընկեր Գրաբոսը քրիստոնյաներ են։
Նրանց տանում են Երմոգինես դատավորի մոտ, ուր Մինասը երեք ժամ երգելով փառաբանում ու ջատագովում է քրիստոնեությունը։ Երբ նա ավարտում է երգը, նրա լեզուն կտրում են և աչքերը հանում։ Ըստ ավանդության` նրա լեզուն և աչքերը վերականգնվում են, ինչը տեսնելով` Երմոգինես դատավորը քրիստոնյա է դառում։ Ապա երեքին էլ գլխատում են։