Հանդիպում վերապատրաստման դասընթացներին մասնակցող եկեղեցականների հետ

Arshak eps 345 880x660 - Հանդիպում վերապատրաստման դասընթացներին մասնակցող եկեղեցականների հետ

 Դեկտեմբերի 21-ին Մայր Աթոռ Սուրբ Էջմիածնի «Գարեգին Ա» կրթական կենտրոնում Գերաշնորհ Տեր Արշակ եպիսկոպոս Խաչատրյանը հանդիպում ունեցավ Հայաստանի, Արցախի և սփյուռքի տարբեր թեմերի` վերապատրաստման դասընթացներին մասնակցող եկեղեցականների հետ:
Սրբազան Հայրը մեծապես կարևորեց հոգեշնորհ և արժանապատիվ հայրերի ջանադիր ծառայությունը` ի նպաստ Հայ Առաքելական Սուրբ Եկեղեցու պայծառացման և շենացման: Հանդիպմանը քննարկվեց եկեղեցականների առնչվող ամենօրյա ծառայության մի շարք հարցեր՝ ժամանակի մարտահրավերների, դժվարությունների և դրանց հաղթահարման ուղղված ջանքերի մասին:
Վերջում Սրբազան Հայրը պատասխանեց հոգևորականների կողմից բարձրացված մի շարք հարցերի՝ Հայ Եկեղեցու ներկա դրության, առաջիկա անելիքների և հոգևոր ծառայության վերաբերյալ: