Ամենայն Հայոց Կաթողիկոսը հանդիպեց նորաօծ քահանաների հետ (նկարներ)

31 1 1 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)

 Հուլիսի 30-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն հանդիպում ունեցավ սույն թվականի հունիսի 10-ին Երևանի Ս. Գրիգոր Լուսավորիչ մայր եկեղեցում ձեռնադրված տասներկու քահանաների հետ:
Գարեգին Բ Կաթողիկոսն իր օրհնությունն ու հայրական պատգամը բերեց քահանա հայրերին` բարի առաքելություն մաղթելով իրենց հովվական ծառայության մեջ: Հայոց Հովվապետը կատարեց նաև նորաօծ քահանաների հետագա ծառայության նշանակումները:
Արժանապատիվ Տ. Գևորգ քահանա Աստարյանը հոգևոր ծառայության նշանակվեց Վիրահայոց թեմում, Արժանապատիվ Տ. Գարեգին քահանա Սարգսյանը` Շիրակի թեմում, Արժանապատիվ Տ. Աբգար քահանա Աբգարյանն ու Տ. Զավեն քահանա Հայրապետյանը` Ռուսաստանի և Նոր Նախիջևանի հայոց թեմում: Արժանապատիվ Տ. Մեսրոպ քահանա Խունոյանն ու Տ. Արամ քահանա Թիլիքյանը հովվական սպասավորության կոչվեցին Արցախի թեմում: Արժանապատիվ Տ. Անդրանիկ քահանա Սարգսյանը ծառայության կմեկնի Գուգարաց թեմ, Արժանապատիվ Տ. Հովհաննես քահանա Մաթևոսյանը, Տ. Սիմեոն քահանա Հովհաննիսյանն ու Տ. Համազասպ քահանա Հագեյանն իրենց ծառայությունը կշարունակեն ՀՀ ԶՈՒ Հոգևոր առաջնորդությունում: Արժանապատիվ Տ. Եզնիկ քահանա Թորգոմյանը կսպասավորի Ռումինիայի հայոց թեմում, Արժանապատիվ Տ. Ավետիս քահանա Մակարյանը` Հառիճի Թրբանճյան հոգևոր ընծայարանում:
Հանդիպման վերջում Նորին Սրբությունը վերստին օրհնեց քահանաներին և նրանց ընծայեց մասնատուփեր, ձեռաց խաչեր ու «Մաշտոց» ծիսարաններ:

31 1 1 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 2 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 3 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 4 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 5 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 6 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 7 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)31 1 8 - Ամենայն Հայոց Կաթողիկոսը հանդիպեց նորաօծ քահանաների հետ (նկարներ)